TV-kanalning jonli efiri vaqti uning to‘tiqushi qo‘qqisdan «Real Madrid» madhiyasini kuyladi. Ajabo, qushga «Qirollik klubi» gimnini kim o‘rgatganikin...?

G‘alati voqelik. Sobiq hakam o‘z uyida turib, jonli efirda uzatiladigan El Chiringuito ko‘rsatuviga ulandi. Paxares Pas qaysidir masalada gapirayotgan vaqt esa uning ortida turgan to‘tiqush birdan «Real Madrid» madhiyasini kuylay boshladi. Shunda sobiq hakam turli imo-ishoralar bilan qushni to‘xtatishga urindi, ammo u gimnni kuylashdan to‘xtagani yo‘q. 

Izoh. Keyingi safar ko‘rsatuv mualliflari Pasni studiyaga chaqirishdi (ko‘rinishidan, kutilmagan voqelik qayta takrorlanmasligi uchun). Xullas, sobiq referi to‘tiqush xonishiga to‘xtalib, o‘zini oqladi. Aniqrog‘i, qush aslida qiziniki ekanligini ta’kidladi.

G‘alati qushlar. Paxares shuningdek, jonli efirda La Liganing yana bir sobiq hakami to‘tiqushining nozik tomoni haqida so‘zlab berdi. «Urizar Aspitarte ham gapiruvchi to‘tiqush boqadi. Esimda, bir safar uning uyiga borganimda, qush nogahon so‘z qotdi: «Atletik», «Atletik»! «Barsa» iborasini eshitganida esa, tilidan boshqacha so‘z chiqdi: «Jo‘jaxo‘rozlar!» - dedi Paxares Pas.