Saudiyaning “An-Nasr” klubi hujumchisi Krishtianu Ronaldu Portugaliya futbol federasiyasi tomonidan Quinas de Platina mukofotini olganidan keyin shunday fikr bildirdi.
"Men bu mukofot bilan faxrlanaman. Bu oxiri emas, balki faqat boshlanishi. Portugaliya terma jamoasida debyut qilishni, keyin 25 va 50 ta o‘yin o‘tkazishni orzu qilardim.
Keyin 150 va 200-bahslar haqida o‘ylay boshladim. Men klublar bilan ko‘plab sovrinlarni qo‘lga kiritdim, ammo terma jamoa sharafini himoya qilishdan yaxshiroq narsa yo‘q", - dedi 39 yoshli hujumchi.
