"Transfermarkt" mutaxassislari XXI asrda Yevropaning top-5 ligasidagi o‘yinchilarning o‘yini haqidagi statistik ma’lumotlar bilan futbol muxlislarini xursand qildi. Birinchi o‘rinda «Barselona»ning sobiq hujumchisi Lionel Messi joy oldi. Argentinalik «gol+pas» tizimida 743 ochkoga ega.

Ikkinchi o‘rinda esa Yevropa top-ligalarida 646 ta golda ishtirok etgan Krishtianu Ronaldu joylashgan. Kuchli uchlikni «Barselona» hujumchisi Robert Levandovski yakunlab turibdi – unda «gol+pas» tizimida 460 ochko bor.

Kuchli o‘ntalikka, shuningdek, Zlatan Ibrahimovich (426), Karim Benzema (423), Tomas Myuller (358), Luis Suares (356), Serxio Aguero (336), Franchesko Totti (327) va Xarri Keyn (322) kiradi.