"Transfermarkt" мутахассислари XXI асрда Европанинг топ-5 лигасидаги ўйинчиларнинг ўйини ҳақидаги статистик маълумотлар билан футбол мухлисларини хурсанд қилди. Биринчи ўринда «Барселона»нинг собиқ ҳужумчиси Лионель Месси жой олди. Аргентиналик «гол+пас» тизимида 743 очкога эга.
Иккинчи ўринда эса Европа топ-лигаларида 646 та голда иштирок этган Криштиану Роналду жойлашган. Кучли учликни «Барселона» ҳужумчиси Роберт Левандовски якунлаб турибди – унда «гол+пас» тизимида 460 очко бор.
Кучли ўнталикка, шунингдек, Златан Ибраҳимович (426), Карим Бензема (423), Томас Мюллер (358), Луис Суарес (356), Серхио Агуэро (336), Франческо Тотти (327) ва Харри Кейн (322) киради.
