«Inter» hujumchisi Lautaro Martines Argentina terma jamoasi mashg‘ulotlarida olingan bir nechta fotosuratlarni e’lon qildi. Izohlarda «nerazurrilar»ning bir muxlisi izoh yozdi.
«Sen sardor bo‘lgan va senga katta miqdorda haq to‘layotgan jamoani unutma», - deb yozdi muxlis.
27 yoshli Martines izohni e’tiborsiz qoldirmagan va unga javob bergan.
«Yodda tuting, men hamisha «Inter» uchun o‘zimni maksimal darajada bag‘ishlayman. Jahon chempionati yilida to‘pig‘im lat yeganimda ham shunday bo‘lgandi. Hamma jahon chempionatiga tayyorgarlik ko‘rayotganida men har doim maydonda edim va birorta mashg‘ulotni o‘tkazib yubormasdim. Menga kim pul to‘layotganini eslatishdan oldin shuni unutmang», - deb yozdi Lautaro.
Original izoh allaqachon o‘chirilgan.
