Hindistonning Kalkutta shahrida Tata Steel Chess India turniri boshlandi. Mukofot jamg‘armasi 41500 AQSH dollarini tashkil etadigan turnirda o‘zbekistonlik Nodirbek Abdusattorov ham ishtirok etmoqda.

Bugun musobaqaning rapid yo‘nalishida bahslar boshlandi. Birinchi kunda uchta tur o‘yinlari o‘tkazildi.

Abdusattorov dastlab Daniil Dubov bilan qora donalarda durang qayd etgan bo‘lsa, hamyurtimiz Vinsent Keymer va Rameshbabu Praggnanandhani mag‘lub etdi. Hamyurtimiz 2,5 ochko bilan peshqadam bo‘lib turibdi.

Rapid bahslari 14 va 15 noyabr kunlari davom ettiriladi. 9 ta tur o‘yinlari yakuni bo‘yicha g‘olib aniqlanadi.

G‘oliblar quyidagicha mukofotlanadi:

Rapid yo‘nalishida:

1-o‘rin — 10 ming AQSH dollari;
2-o‘rin — 6 ming AQSH dollari;
3-o‘rin — 3 ming AQSH dollari.

Blis yo‘nalishida:

1-o‘rin — 7,5 ming AQSH dollari;
2-o‘rin — 4 ming AQSH dollari;
3-o‘rin — 2,5 ming AQSH dollari.