«Barselona»ning transfer rejalari haqida ma’lumot paydo bo‘ldi.

«Diario Sport»ning ta’kidlashicha, «Barselona» bosh murabbiyi va klub sport direktori Deku tarkibni kuchaytirish bo‘yicha aniq rejaga ega. Ma’lum qilinishicha, «ko‘k-anorranglilar» chap qanot vingeri va ikkita yuqori salohiyatli qanot himoyachisi bilan shartnoma imzolamoqchi.

13 turdan so‘ng «Barselona» turnir jadvalida 33 ochko jamg‘arib, La ligada peshqadamlik qilmoqda. Ikkinchi o‘rinda borayotgan «Real»dan farqi olti ochkoni tashkil etadi, lekin «qaymoqranglilar»ning zaxiradagi o‘yini bor.