Madridning “Real” klubi hujumchisi Kilian Mbappe yaqin kelajak uchun ustuvor vazifalarini belgilab oldi. GFFN xabariga ko‘ra, 25 yoshli hujumchi o‘z e’tiborini Fransiya terma jamoasiga emas, "qirollik klubi"ga qaratmoqchi.

Kelgusi oylarda Mbappe o‘z o‘yinini Madrid gigantida yaxshilashni istamoqda, jamoa undan hozir ko‘rsatayotganidan ham ko‘proq narsani kutishmoqda. Kilian bosh murabbiy Didye Desham qarori bilan noyabr oyidagi yig‘inga chaqirilmagandi.

Ispaniya chempionatining joriy mavsumida hujumchi 11 ta o‘yin o‘tkazib, 6 ta gol va bitta golli uzatmani amalga oshirdi.