Bir kun avval Portugaliya hamda Polsha terma jamoalari o‘rtasida UYEFA Millatlar ligasi guruh bosqichining 5-tur uchrashuvi bo‘lib o‘tdi. Roberto Martines shogirdlari mehmonlar ustidan 5:1 hisobida yirik g‘alabani tantana qilishdi.
39 yoshli portugaliyalik markaziy hujumchi Krishtianu Ronaldu ikkita gol urdi. U terma jamoa safida 135 ta gol urgan.
Portugaliyalik futbolchi bu ko‘rsatkich bo‘yicha argentinalik yulduz hujumchi Lionel Messidan oldinda. 37 yoshli forvard Argentina terma jamoasi safida 112 ta gol urdi va reytingda ikkinchi o‘rinni egallab turibdi.
Qo‘shimcha qilamizki, Ronaldu butun faoliyati davomida 910 ta gol urgan.
