Бир кун аввал Португалия ҳамда Польша терма жамоалари ўртасида УЕФА Миллатлар лигаси гуруҳ босқичининг 5-тур учрашуви бўлиб ўтди. Роберто Мартинес шогирдлари меҳмонлар устидан 5:1 ҳисобида йирик ғалабани тантана қилишди.
39 ёшли португалиялик марказий ҳужумчи Криштиану Роналду иккита гол урди. У терма жамоа сафида 135 та гол урган.
Португалиялик футболчи бу кўрсаткич бўйича аргентиналик юлдуз ҳужумчи Лионель Мессидан олдинда. 37 ёшли форвард Аргентина терма жамоаси сафида 112 та гол урди ва рейтингда иккинчи ўринни эгаллаб турибди.
Қўшимча қиламизки, Роналду бутун фаолияти давомида 910 та гол урган.
