Fred irqchilik mavzusida gapirdi.
Braziliyalik futbolchining UEFA veb-saytiga bergan intervyusi BMT tomonidan joriy etilgan Xalqaro bag‘rikenglik kuniga to‘g‘ri keldi.
“Bu 2024-yilda ham davom etayotgani dahshatli. Ammo biz doimo qurbon bo‘lamiz, deb o‘ylamasligimiz kerak. Terining rangi, irqi, dinidan qat’iy nazar birlashishimiz kerak. Biz hammamiz birmiz, hammamiz insonmiz.
Futbol bu borada kuchli sport turidir. Hamma futbolni yaxshi ko‘radi, u butun dunyoni qamrab oladi. Hammamiz irqchilikka barham berish uchun kurashaylik.
Ba’zi odamlar irqchilikni qo‘llab-quvvatlaydi, lekin men insoniyat sifatida birgalikda to‘g‘ri yo‘nalishda ketayotganimizga ishonaman", - dedi “Fenerbaxche”da o‘ynayotgan “Manchester Yunayted”ning sobiq futbolchisi Fred.
