Фред ирқчилик мавзусида гапирди.
Бразилиялик футболчининг УEФА веб-сайтига берган интервьюси БМТ томонидан жорий этилган Халқаро бағрикенглик кунига тўғри келди.
“Бу 2024-йилда ҳам давом этаётгани даҳшатли. Аммо биз доимо қурбон бўламиз, деб ўйламаслигимиз керак. Терининг ранги, ирқи, динидан қатъий назар бирлашишимиз керак. Биз ҳаммамиз бирмиз, ҳаммамиз инсонмиз.
Футбол бу борада кучли спорт туридир. Ҳамма футболни яхши кўради, у бутун дунёни қамраб олади. Ҳаммамиз ирқчиликка барҳам бериш учун курашайлик.
Баъзи одамлар ирқчиликни қўллаб-қувватлайди, лекин мен инсоният сифатида биргаликда тўғри йўналишда кетаётганимизга ишонаман", - деди “Фенербахче”да ўйнаётган “Манчестер Юнайтед”нинг собиқ футболчиси Фред.
