"Barselona" yarim himoyachisi Frenki de Yong Niderlandiya terma jamoasidagi o‘yindan so‘ng o‘zining holati haqida gapirdi.
27 yoshli futbolchi o‘tgan yilning sentyabr oyidan beri ilk bor o‘z mamlakati terma jamoasi tarkibida maydonga tushdi.
“Qaytganimdan xursandman. Yaqinda olgan jarohatim tufayli o‘ynaganimda hamon noqulaylik sezaman.
Maydonda ba’zi ishlarni bajarish uchun o‘zimga bo‘lgan ishonchni qaytarishim kerak. Vaziyat yaxshilanishi kerak. Ritmga kirib, optimal formaga qaytish uchun menga o‘yin vaqti kerak”, dedi de Yong o‘yindan keyingi intervyusida.
