"Барселона" ярим ҳимоячиси Френки де Йонг Нидерландия терма жамоасидаги ўйиндан сўнг ўзининг ҳолати ҳақида гапирди.
27 ёшли футболчи ўтган йилнинг сентябрь ойидан бери илк бор ўз мамлакати терма жамоаси таркибида майдонга тушди.
“Қайтганимдан хурсандман. Яқинда олган жароҳатим туфайли ўйнаганимда ҳамон ноқулайлик сезаман.
Майдонда баъзи ишларни бажариш учун ўзимга бўлган ишончни қайтаришим керак. Вазият яхшиланиши керак. Ритмга кириб, оптимал формага қайтиш учун менга ўйин вақти керак”, деди де Йонг ўйиндан кейинги интервьюсида.
