Zagrebning "Dinamo" klubi ustozi Nenad Belisa Luka Modrichning jamoaga qaytishi mumkinligi haqidagi ma’lumotlarga izoh berdi.

39 yoshli yarim himoyachining "Real" bilan shartnomasi joriy mavsum oxirida yakuniga yetadi. Ommaviy axborot vositalarida xorvatiyalik yulduzning faoliyatini yakunlashdan oldin Zagrebning “Dinamo”siga o‘tishi mumkinligi haqida ko‘pdan beri gap-so‘zlar chiqib kelmoqda.

Aynan shu klubda yarim himoyachi professional futboldagi faoliyatini boshlagan. "Modrich "Dinamo"ga qaytdimi? Kim o‘z jamoasida shunday futbolchi bo‘lishini xohlamaydi?

Umid qilamanki, u faoliyatini shu yerda yakunlaydi", - deya Belisaning so‘zlarini keltiradi Goal.