"Yuventus" "Manchester Yunayted"ning 23 yoshli markaziy hujumchisi Joshua Zirkzee bilan qiziqmoqda. Bu haqda Calciomercato xabar bermoqda.

Manbaga ko‘ra, "keksa sinyora" agar ingliz klubi uni transferga qo‘ysa, futbolchini sotib olish variantini jiddiy ko‘rib chiqadi. "Qizil iblislar" buni amalga oshirishi mumkin edi, chunki Zirkzee o‘tgan yozda ularga qo‘shilganidan beri o‘zini yaxshi his qila olmadi.

23 yoshli futbolchining "Yuventus"ga o‘tishiga ta’sir ko‘rsatishi mumkin bo‘lgan omillardan biri bu Italiya klubi bosh murabbiyi Tiago Motta bo‘lib, uning qo‘l ostida Zirkzee "Bolonya"da o‘ynagan.

Joriy mavsumda hujumchi barcha turnirlarda 17 ta uchrashuvda ishtirok etib, bitta gol va ikkita golli uzatmaga mualliflik qilgan.