"Ювентус" "Манчестер Юнайтед"нинг 23 ёшли марказий ҳужумчиси Жошуа Зиркзее билан қизиқмоқда. Бу ҳақда Calciomercato хабар бермоқда.
Манбага кўра, "кекса синьора" агар инглиз клуби уни трансферга қўйса, футболчини сотиб олиш вариантини жиддий кўриб чиқади. "Қизил иблислар" буни амалга ошириши мумкин эди, чунки Зиркзее ўтган ёзда уларга қўшилганидан бери ўзини яхши ҳис қила олмади.
23 ёшли футболчининг "Ювентус"га ўтишига таъсир кўрсатиши мумкин бўлган омиллардан бири бу Италия клуби бош мураббийи Тиаго Мотта бўлиб, унинг қўл остида Зиркзее "Болонья"да ўйнаган.
Жорий мавсумда ҳужумчи барча турнирларда 17 та учрашувда иштирок этиб, битта гол ва иккита голли узатмага муаллифлик қилган.
