"Yuventus" va Serbiya terma jamoasi hujumchisi Dushan Vlahovich Turin klubi va terma jamoadagi o‘yindagi farq haqidagi savolga javob berdi.

"Boshqa hujumchi bo‘lsa, men uchun biroz osonroq, chunki Mitrovich to‘pni ushlab turadi va havo duyellarida qatnashadi, shuning uchun men o‘z xususiyatlarim va fazilatlarimdan ko‘proq foydalana olaman. Murabbiy ham mendan ko‘p himoyaviy vazifalarni bajarishimni so‘ramaydi, shuning uchun ham buni osonlashtiradi. Jismoniy formam bilan men u qadar ko‘p yugura olmayman", - deya Vlahovich so‘zlarini keltiradi Football Italia.

Futbolchining klub bilan amaldagi mehnat shartnomasi 2026 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 65 million yevroni tashkil qiladi.