"Ювентус" ва Сербия терма жамоаси ҳужумчиси Душан Влаҳович Турин клуби ва терма жамоадаги ўйиндаги фарқ ҳақидаги саволга жавоб берди.

"Бошқа ҳужумчи бўлса, мен учун бироз осонроқ, чунки Митрович тўпни ушлаб туради ва ҳаво дуелларида қатнашади, шунинг учун мен ўз хусусиятларим ва фазилатларимдан кўпроқ фойдалана оламан. Мураббий ҳам мендан кўп ҳимоявий вазифаларни бажаришимни сўрамайди, шунинг учун ҳам буни осонлаштиради. Жисмоний формам билан мен у қадар кўп югура олмайман", - дея Влаҳович сўзларини келтиради Football Italia.

Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 65 миллион еврони ташкил қилади.