Toshkent shahrida joylashgan "Universal" sport saroyida Sport vazirligi, Bosh prokuratura, O‘zbekiston kurash federasiyasi, Oila va xotin qizlar qo‘mitasi va qator vazirliklar bilan hamkorlikda xotin-qizlar kurashini rivojlantirish maqsadida tashkil qilingan “Kurash malikalari” Respublika turnirining final bosqichi o‘tkazildi.
Musobaqaning ochilish marosimida Sport vaziri o‘rinbosari Shaxrillo Maxmudov va vazirlik-idora mas’ullari ishtirok etdi.
Qoraqalpog‘iston Respublikasi, viloyatlar va Toshkent shahridan 120 dan ziyod sportchi qizlar 8 ta vazn toifasi bo‘yicha g‘oliblik uchun kuch sinashdi.
Qizg‘in kurashlarga boy o‘tgan musobaqa natijasiga ko‘ra: jamoaviy bellashuvda Toshkent shahri jamoasi g‘oliblik deb topilib, turnir kubogini qo‘lga kiritdi.
