Тошкент шаҳрида жойлашган "Универсал" спорт саройида Спорт вазирлиги, Бош прокуратура, Ўзбекистон кураш федерацияси, Оила ва хотин қизлар қўмитаси ва қатор вазирликлар билан ҳамкорликда хотин-қизлар курашини ривожлантириш мақсадида ташкил қилинган “Кураш маликалари” Республика турнирининг финал босқичи ўтказилди.
Мусобақанинг очилиш маросимида Спорт вазири ўринбосари Шахрилло Махмудов ва вазирлик-идора масъуллари иштирок этди.
Қорақалпоғистон Республикаси, вилоятлар ва Тошкент шаҳридан 120 дан зиёд спортчи қизлар 8 та вазн тоифаси бўйича ғолиблик учун куч синашди.
Қизғин курашларга бой ўтган мусобақа натижасига кўра: жамоавий беллашувда Тошкент шаҳри жамоаси ғолиблик деб топилиб, турнир кубогини қўлга киритди.
