"Vest Xem" chempionatda zaif natijalar qayd etib, Premer-ligada 14-o‘rinni egallab turibdi. Xulen Lopetegi qishki transfer oynasida himoyasini kuchaytirmoqchi.
Xabarlarga ko‘ra, "bolg‘achilar" "Gent" futbolchisi Archi Braunni kuzatib borishmoqda. Chap qanot himoyachisi ham himoyada, ham hujumda sifatli o‘yin namoyish etadi, bu esa Xulen Lopetegining e’tiborini tortdi.
Ammo "Vest Xem" bu futbolchini qo‘lga kiritishda ma’lum qiyinchiliklarga duch keladi, chunki inglizning xizmatlariga boshqa klublar ham qiziqish bildirmoqda. Futbolchi, shuningdek, "Gent" bilan 2027 yilgacha shartnoma imzoladi.
Bu mavsumda Archi Braun 23 ta o‘yinda maydonga tushib, 2 ta gol va 4 ta golli uzatmaga mualliflik qilgan.
