"Вест Хэм" чемпионатда заиф натижалар қайд этиб, Премер-лигада 14-ўринни эгаллаб турибди. Хулен Лопетеги қишки трансфер ойнасида ҳимоясини кучайтирмоқчи.
Хабарларга кўра, "болғачилар" "Гент" футболчиси Арчи Браунни кузатиб боришмоқда. Чап қанот ҳимоячиси ҳам ҳимояда, ҳам ҳужумда сифатли ўйин намойиш этади, бу эса Хулен Лопетегининг эътиборини тортди.
Аммо "Вест Хэм" бу футболчини қўлга киритишда маълум қийинчиликларга дуч келади, чунки инглизнинг хизматларига бошқа клублар ҳам қизиқиш билдирмоқда. Футболчи, шунингдек, "Гент" билан 2027 йилгача шартнома имзолади.
Бу мавсумда Арчи Браун 23 та ўйинда майдонга тушиб, 2 та гол ва 4 та голли узатмага муаллифлик қилган.
