Belgiya qiyin davrni boshdan kechirmoqda, mahalliy OAV esa terma jamoani tanqid qilishdan charchamaydi. Jarohatlar tufayli qiynalayotgan “qizil iblislar” yakshanba kuni Isroilga 0:1 hisobida imkoniyatni boy berdi. Bunday yomon natijalarga qaramay, Dodi Lukebakio terma jamoani tanqid qilishni bas qilishni so‘radi.
"Siz juda salbiy fikrdasiz. Sizningcha, biz bunday o‘yinlarda g‘alaba qozonishni istamaymizmi? Biz Fransiya va Italiya kabi buyuk jamoalarni mag‘lub etishga yaqin keldik. Agar biz g‘alaba qozonganimizda, sizlar boshqacha fikrda bo‘lardingiz. Lekin endi siz biz haqimizda faqat salbiy narsalarni eshitasiz va o‘qiysiz", - deydi Lukebakio.
Belgiya terma jamoasi 4 ochko bilan Millatlar ligasi guruhida uchinchi o‘rinni egallab, A divizionidagi o‘rnini saqlab qolish uchun pley-offda kurash olib boradi.
