Bugun Jizzaxda O‘zbekiston chempionati start oldi.
To‘rt kun davomida “Jizzax Kibersport arena”si dzyudo bo‘yicha kattalar o‘rtasidagi O‘zbekiston chempionatiga mezbonlik qiladi.
Ikkita tatamida tashkil etilayotgan mamlakat birinchiligida Qoraqalpog‘iston Respublikasi, barcha viloyatlar hamda Toshkent shahridan saralanib kelgan dzyudochilar medallar uchun bahs olib borishadi.
Ayni damda erkaklar -60, -66 kg, ayollar esa -48 va -52 kg vazn toifalarida tatamiga chiqqan holda o‘z imkoniyatlarini sinovdan o‘tkazmoqda.
Final bahslari 17:00da boshlanadi. O‘zbekiston chempionatining tantanali ochilish marosimi ertaga o‘tkaziladi.
