«Dinamo» va «Andijon» chempionat o‘yinlari tarixida 43 marta to‘qnash kelgan. Samarqand klubi o‘zaro bahslarda 18ta g‘alabaga erishgan bo‘lsa, Andijon jamoasi 15 o‘yinda g‘olib bo‘lgan. 10 o‘yinda kuchlar teng kelgan – durang.
Samarqand jamoasi o‘zaro o‘yinlarda «Andijon» darvozasiga 65ta gol kiritgan. «Andijon»ning gollari esa 55ta. Ko‘hna shaharliklar o‘zaro bahslarda 64 ochko ishlagan, «burgutlar» esa 55 ochko olgan.
«Dinamo»ning «Andijon» ustidan erishgan eng yirik g‘alabasi 6:1ni tashkil qiladi. O‘shanda «Dinamo» hujumchisi Hamdam Rahmonov zaxiradan maydonga tushib, 5ta gol urgan. «Andijon»ning samarqandliklar ustidan qozongan eng yirik g‘alabasi esa – 4:1ga teng.
Andijondagi so‘nggi uchrashuv...
Ushbu jamoalar O‘zbekiston kubogi guruh bosqichida aprel oyida Andijonda o‘yin o‘tkazgan va unda Vadim Abramov shogirdlari safarda Fransis Narx va Kojo Joelning goli evaziga 2:2 hisobini qayd etgandi.
