«Динамо» ва «Андижон» чемпионат ўйинлари тарихида 43 марта тўқнаш келган. Самарқанд клуби ўзаро баҳсларда 18та ғалабага эришган бўлса, Андижон жамоаси 15 ўйинда ғолиб бўлган. 10 ўйинда кучлар тенг келган – дуранг.

Самарқанд жамоаси ўзаро ўйинларда «Андижон» дарвозасига 65та гол киритган. «Андижон»нинг голлари эса 55та. Кўҳна шаҳарликлар ўзаро баҳсларда 64 очко ишлаган, «бургутлар» эса 55 очко олган.

«Динамо»нинг «Андижон» устидан эришган энг йирик ғалабаси 6:1ни ташкил қилади. Ўшанда «Динамо» ҳужумчиси Ҳамдам Раҳмонов захирадан майдонга тушиб, 5та гол урган. «Андижон»нинг самарқандликлар устидан қозонган энг йирик ғалабаси эса – 4:1га тенг.

Андижондаги сўнгги учрашув...
Ушбу жамоалар Ўзбекистон кубоги гуруҳ босқичида апрел ойида Андижонда ўйин ўтказган ва унда Вадим Абрамов шогирдлари сафарда Францис Нарх ва Кожо Жоэлнинг голи эвазига 2:2 ҳисобини қайд этганди.