"Real" hujumchisi Kilian Mbappe o‘z pozisiyasi haqidagi savolga javob berdi.
Yakshanba kuni "Leganes"ga qarshi o‘yinda (3:0) fransuz hujumning chap tomoniga yaqinroq bo‘lgan o‘ziga tanish pozisiyada o‘ynadi, Vinicius Junior esa markazda harakat qildi.
"Men har doim g‘alaba qozonishni xohlayman. Biz bu yerga "Barselona"ning kechagi durangidan keyin uch ochko olish uchun kelgan edik. O‘ylaymanki, men boshqa pozisiyada yaxshi o‘yin o‘tkazdim. Men xohlagan joyimda o‘ynashim mumkin. Men uchun eng muhimi - jamoaga yordam berish va yaxshi o‘ynash. Vini bilan munosabatlarim juda yaxshi," - dedi Kilian o‘yindan keyingi intervyusida.
