Pep Gvardiola "Manchester Siti" futbolchilariga bo‘lgan ishonch haqida gapirdi.

"Men bu futbolchilarga har qachongidan ham ko‘proq ishonaman.

Muxlislar yoki klub uchun yomon o‘yin ko‘rsatmoqchi bo‘lgan futbolchini ko‘rmaganman. Buni hech kim xohlamaydi.

Ular 60 000 kishi oldida o‘ynasa, ular yaxshi harakat qilishni xohlashadi. Ammo ko‘p sabablarga ko‘ra bu ish bermasligi mumkin.

To‘g‘ri, hozir kuchimiz yetarli emas. Men o‘zimni yomon his qilyapman deb aytmayman, lekin futbolchi sifatida buni boshdan kechirganman", - dedi “Manchester Siti” bosh murabbiyi.