Hujumchi Vinicius Junior sonidan olgan jarohati tufayli yaqin haftalarda «Real»ga yordam bera olmaydi. Jarohatga munosabat bildirar ekan, braziliyalik futbolchi futboldagi keskin taqvimdan shikoyat qildi. Viniciusni Ispaniya La Ligasining prezidenti Xavyer Tebas qo‘llab-quvvatladi.

«Aniqki, taqvim haddan tashqari og‘ir. Musobaqalar ko‘p va bu jarohatlarga olib keladi. Bu ob’ektiv fakt. La Liga Yevropa Ittifoqida FIFA ustidan sudga murojaat qildi», - deya Tebasning so‘zlarini keltirmoqda «Goal» portali.