Lamin Yamal yaqin orada jarohatidan so‘ng «Barselona»ga qaytadi.
Qanot vingeri to‘pig‘idan olgan jarohatidan forig‘ bo‘lmoqda. U ketma-ket 3 ta uchrashuvni o‘tkazib yubordi.
«AS» nashri xabariga ko‘ra, kecha Chempionlar ligasi doirasidagi «Brest»ga qarshi o‘yin (3:0) yakunlangach, Lamin «Barsa» bosh murabbiyi Xansi Flik bilan suhbatlashgan.
Nemis mutaxassisi futbolchiga umumiy guruhda mashg‘ulot o‘tkazishini va agar hammasi yaxshi bo‘lsa, shanba kuni Yamal «Las-Palmas» bilan o‘yin uchun qaydnomaga kiritilishini va’da qildi.
