«Chelsi» bosh murabbiyi Enso Mareska jamoaning Konferensiyalar ligasi doirasidagi «Xaydenxaym»ga qarshi o‘yini (2:0) haqidagi fikrlari bilan o‘rtoqlashdi.
«Bu juda, juda qiyin edi. Biz bu raqib bilan mehmonda xuddi shunday o‘yinni kutgan edik. Kichik maydon - bu har doim ham oson emas, lekin biz, menimcha, juda yaxshi uddaladik.
Biz ko‘proq gol urishimiz mumkin edi. Menimcha, bu munosib g‘alaba, men o‘yinchilar uchun xursandman.
«Xaydenxaym» shiddat bilan harakat qildi, bosim o‘tkazdi, ammo bizning jamoamiz hamma narsaga tayyor edi. Xuddi shu ruhda davom etish kerak», - dedi Mareska.
