«Lester»ning yangi bosh murabbiyi Rud van Nistelroyning aytishicha, «Chelsi» murabbiyi Enso Mareska «tulkilar» lageriga tayinlanishidan oldin unga maslahat bergan.
«Shuni aytishim kerakki, «Lester»da qiziqish paydo bo‘lganida birinchi bo‘lib Ensoga qo‘ng‘iroq qildim. U juda ijobiy kayfiyatda edi. U bu klubda o‘tkazgan vaqtidan juda xursand edi. Bunday narsalarni eshitganingizda, bu siz borishni xohlaydigan klub bo‘ladi. Ko‘rinib turibdiki, qiziqish paydo bo‘lishi bilan men unga qo‘ng‘iroq qilib, klub, tuzilmalar, u yerda ishlaydigan odamlar, tarkib, stadion, muxlislar, shahar haqida batafsilroq savollar berdim...
Bu g‘aroyib suhbat edi. U bilan suhbatlashish har doim yoqimli. «Lester» Mareska boshchiligida qanday o‘ynagani, chempionlikni yutib, Premyer-ligaga chiqqani ajoyib edi. Men jamoam ham shunday o‘ynashini xohlayman», - dedi niderlandiyalik mutaxassis.
