«Manchester Yunayted»ning yangi bosh murabbiyi Ruben Amorim asosiy e’tiborini jamoaning amaldagi futbolchilari bilan ishlashga qaratdi. Portugaliyalik mutaxassis «qizil iblislar» rahbarlariga qishki transferlar haqida murojaat qilmagan. Bu haqda «Sky Sports» xabar berdi.
Ruben Amorim boshchiligida «Manchester Yunayted» ikkita o‘yin o‘tkazdi. Ularda jamoa Premyer-ligada «Ipsvich» (1:1) bilan durang o‘ynadi va Yevropa ligasida «Bude-Glimt»ni (3:2) mag‘lub etdi. «Qizil iblislar»ning navbatdagi o‘yini 1 dekabr, yakshanba kuni Angliya chempionatida «Everton»ga qarshi o‘z maydonida o‘tkaziladi.
Hozirda «MYU» APL turnir jadvalida 12-o‘rinni egallab turibdi.
