«Манчестер Юнайтед»нинг янги бош мураббийи Рубен Аморим асосий эътиборини жамоанинг амалдаги футболчилари билан ишлашга қаратди. Португалиялик мутахассис «қизил иблислар» раҳбарларига қишки трансферлар ҳақида мурожаат қилмаган. Бу ҳақда «Sky Sports» хабар берди.

Рубен Аморим бошчилигида «Манчестер Юнайтед» иккита ўйин ўтказди. Уларда жамоа Премьер-лигада «Ипсвич» (1:1) билан дуранг ўйнади ва Европа лигасида «Буде-Глимт»ни (3:2) мағлуб этди. «Қизил иблислар»нинг навбатдаги ўйини 1 декабрь, якшанба куни Англия чемпионатида «Эвертон»га қарши ўз майдонида ўтказилади.

Ҳозирда «МЮ» АПЛ турнир жадвалида 12-ўринни эгаллаб турибди.