Bugun bo‘lib o‘tgan Superliganing so‘nggi, 26-turidan o‘rin olgan “Navbahor” – “Andijon” (3:3) uchrashuvining tanaffus paytida Namangan viloyati hokimi, viloyat futbol assosiasiyasi prezidenti Shavkatjon Shokirjanovich Abdurazzoqov "Navbahor" jamoasining kiyinish xonasiga kirib, “Navbahor” futbolchilariga o‘z minnatdorchiligini bildirib, quyidagi so‘zlarni gapirdi:

- Bu yilgi mavsum uchun barchanglarga rahmat! O‘zbekiston kubogi finalidan so‘ng, biz klub konsepsiyasini o‘zgartirish borasida o‘ylayapmiz. Biz yaxshi faoliyat olib bordik, shu jumladan, joriy mavsumda ham. So‘nggi to‘rt yil ichida “Navbahor” ikki marta O‘zbekiston kubogi finaliga chiqdi,    kumush medalni qo‘lga kiritdi, Osiyo Chempionlar ligasida qatnashdi. Ko‘p yigitlar harakat qilishdi va buning uchun ularga o‘z minnatdorchiligimni bildiraman. Jamoamiz yana o‘sishda davom etadi. Biz bu masalada bosh murabbiy bilan birgalikda ish olib boryapmiz, ayrim futbolchilarga aloqaga chiqdik. “Navbahor” o‘z an’analariga ega jamoa hamda klubni o‘z holiga tashlab qo‘ymaymiz.

Bugungi o‘yinda o‘z burchingizni bajargan holda, klub sha’ni uchun maydonga tushib, joriy mavsumni munosib tarzda yakunlaysizlar, degan umiddaman.

Boshqa so‘zga hojat yo‘q. “Navbahor” klubi futbolchilarning shartnomalaridagi majburiyatlari hamda moliyaviy masalalarni tez muddat ichida bajarishga harakat qiladi. Barchaga omad! - dedi Shavkatjon Abdurazzoqov.