«Manchester Yunayted» hujumchisi Joshua Zirkzee «Everton»ga (4:0) qarshi o‘yindan so‘ng jurnalistlar bilan o‘rtoqlashdi.
«Qiyin kunlar kuchli odamlarni yaratadi, kuchli odamlar esa birlashadi - hozir bizning klubda shunday bo‘lmoqda. «Everton»ga qarshi o‘yinda o‘zimni qulay his qildim va o‘z rolim menga yoqdi. Albatta, gollar hujumchiga yordam beradi. Biz hammamiz g‘alaba qozonishimizga ishonch bilan maydonga chiqdik», - deya Zirkze so‘zlarini keltirmoqda «The Independent».
Zirkzee joriy mavsumda «Manchester Yunayted»ning 19 ta o‘yinida qatnashib, 3 ta gol urdi va bitta golli uzatmani amalga oshirdi.
