So‘nggi paytlarda «Manchester Siti»dagilar kabi Kayl Uoker ham o‘z o‘yinlarini omadsiz o‘tkazmoqda. Pep Gvardiola shogirdlari oltita mag‘lubiyatni o‘z ichiga olgan g‘alabasiz yetti o‘yinlik seriyani davom ettirdi. Uoker bahor oxirida 35 yoshga to‘ladi va «Siti» albatta o‘ng qanotda yoshroq futbolchi bo‘lishini xohlaydi. «TBR Football» xabariga ko‘ra, Angliya chempioni Leverkuzenning «Bayer» klubi futbolchisi Jeremi Frimpong nomzodini o‘rganib chiqdi.
Nufuzli «Transfermarkt» portali mutaxassislari 23 yoshli Jeremi Frimpongni 50 million yevroga baholamoqda. Aslida niderlandiyalik futbolchining transferi kelasi yili qimmatroq bo‘lib chiqishi mumkin.
