"Bavariya" vingeri Leroy Sanening shartnomasi kelasi yilning yozida tugaydi.
Myunxen klubi hali ham 28 yoshli futbolchi bilan shartnomani uzaytirish imkoniyatini qidirmoqda, biroq ular uning maoshini sezilarli darajada kamaytirmoqchi va nemisning daromadi bevosita uning o‘yinlariga bog‘liq bo‘ladigan shartnoma taklif qilmoqchi. Jurnalist Florian Plettenbergning so‘zlariga ko‘ra, yakuniy qaror mart-aprelgacha qabul qilinishi dargumon. Shuningdek, "Bavariya" yanvar oyidagi transfer oynasida Sane bo‘yicha foydali takliflarni ko‘rib chiqishga tayyorligi, futbolchining o‘zi esa mavsum oxirigacha ketish niyatida emasligi qayd etilgan.
Leroy Sane ushbu mavsumda jamoaning 14ta o‘yinida qatnashib, 3ta gol urgan.
