"Bavariya" vingeri Leroy Sane Germaniya kubogi doirasidagi "Bayer"ga (0:1) qarshi o‘yindagi mag‘lubiyatga uchragan jamoa o‘yiniga baho berdi. 17-daqiqada Manuel Noyer qizil kartochka olib, myunxenliklarni ozchilikda qoldirgan bo‘lsa, ikkinchi bo‘limda mehmonlar yagona gol kiritib, chorak finalga yo‘llanma oldi.
"Biz yaxshi o‘yin o‘tkazdik, xarakter ko‘rsatdik va muxlislar ajoyib qo‘llab-quvvatlashdi. Ayniqsa, "Bayer"ning saviyasini hisobga oladigan bo‘lsak, ko‘rsatilgan ruhdan faxrlanishimiz mumkin.
Albatta, mag‘lubiyat juda yoqimsiz, chunki biz kubokdan chiqib ketdik, ammo keyingi o‘nta o‘yinda g‘alaba qozonishimiz mumkinligini bilamiz. Biz Bundesliga va Chempionlar ligasida kurashni davom ettirmoqdamiz, oldimizga jiddiy maqsadlar qo‘yganmiz. Siz shunchaki harakat qilishingiz kerak", - dedi Sane.
