"Бавария" вингери Лерой Сане Германия кубоги доирасидаги "Байер"га (0:1) қарши ўйиндаги мағлубиятга учраган жамоа ўйинига баҳо берди. 17-дақиқада Мануэль Нойер қизил карточка олиб, мюнхенликларни озчиликда қолдирган бўлса, иккинчи бўлимда меҳмонлар ягона гол киритиб, чорак финалга йўлланма олди.
"Биз яхши ўйин ўтказдик, характер кўрсатдик ва мухлислар ажойиб қўллаб-қувватлашди. Айниқса, "Байер"нинг савиясини ҳисобга оладиган бўлсак, кўрсатилган руҳдан фахрланишимиз мумкин.
Албатта, мағлубият жуда ёқимсиз, чунки биз кубокдан чиқиб кетдик, аммо кейинги ўнта ўйинда ғалаба қозонишимиз мумкинлигини биламиз. Биз Бундеслига ва Чемпионлар лигасида курашни давом эттирмоқдамиз, олдимизга жиддий мақсадлар қўйганмиз. Сиз шунчаки ҳаракат қилишингиз керак", - деди Сане.
