Markaziy himoyachi Leni Yoro yaqinda “Manchester Yunayted” safida debyut qildi.
Fransiyalik futbolchi iyul oyida «Lill»dan xarid qilingan, biroq «qizil iblislar» safida birorta ham rasmiy o‘yin o‘tkazishga ulgurmay, deyarli darhol jarohat olgandi.
19 yoshli futbolchi debyutini faqat 4 dekabr kuni o‘tkazdi - u APL doirasidagi "Arsenal"ga (0:2) yutqazilgan o‘yinning 59-daqiqasida zaxiradan maydonga tushdi.
Jurnalist Fabrisio Romanoning fikricha, yuzaga kelgan muammolarga qaramay, "MYU" Yoro bilan shartnoma imzolaganini ideal yechim deb hisoblaydi.
Yaqin haftalarda bosh murabbiy Ruben Amorim o‘z shogirdining ruhiy salomatligini xavf ostiga qo‘ymaslik uchun uni bosqichma-bosqich asosiy tarkibga qaytaradi.
