Марказий ҳимоячи Лени Йоро яқинда “Манчестер Юнайтед” сафида дебют қилди.

Франциялик футболчи июль ойида «Лилл»дан харид қилинган, бироқ «қизил иблислар» сафида бирорта ҳам расмий ўйин ўтказишга улгурмай, деярли дарҳол жароҳат олганди.

19 ёшли футболчи дебютини фақат 4 декабрь куни ўтказди - у АПЛ доирасидаги "Арсенал"га (0:2) ютқазилган ўйиннинг 59-дақиқасида захирадан майдонга тушди.

Журналист Фабрицио Романонинг фикрича, юзага келган муаммоларга қарамай, "МЮ" Йоро билан шартнома имзолаганини идеал ечим деб ҳисоблайди.

Яқин ҳафталарда бош мураббий Рубен Аморим ўз шогирдининг руҳий саломатлигини хавф остига қўймаслик учун уни босқичма-босқич асосий таркибга қайтаради.