Hujumchi Viktor Osimxen yozda "Napoli"da qolishni istamadi. "Chelsi"ga transfer amalga oshmay qoldi, shuning uchun nigeriyalik futbolchi "Galatasaroy"ga ijaraga o‘tdi. Shu bilan birga, Osimxen Yevropaning yuqori maqomli klublari radarida qolmoqda.
Transfer News Live nashrining Tuttomercatoweb nashriga tayanib xabar berishicha, Osimxenni qishda 80 million yevroga sotib olish mumkin. Olti oydan so‘ng - yozda - narx 70 million yevrogacha tushadi. 25 yoshli futbolchiga "Chelsi" va "PSJ" klublari qiziqish bildirmoqda.
"Galatasaroy" safida Osimxen 12 ta rasmiy o‘yinda maydonga tushib, 9 ta gol urdi va sheriklariga 5 ta golli uzatma berdi.
