«Chelsi» bosh murabbiyi Enso Mareska jamoasi Premyer-liga chempionligi uchun kurashyaptimi, degan savolga yana bir bor javob berdi. Hozirda «aristokratlar» turnir jadvalida «Liverpul»dan 7 ochko ortda qolib, ikkinchi o‘rinda bormoqda.
«Men hali ham gapimdan qaytganim yo‘q. «Arsenal», «Liverpul» va «Manchester Siti» bilan raqobatlashishga tayyor emasmiz deb o‘ylayman. Biz shunchaki gol urishdan ko‘ra ko‘proq ish qilishimiz kerak. Aprel yoki may oylarida nima bo‘lishini o‘ylamaymiz. Hali erta. Futbolda hamma narsa tez o‘zgarishi mumkin», - dedi Mareska matbuot anjumanida.
«Chelsi» yakshanba kuni «Tottenxem»ga qarshi APL o‘yinini o‘tkazadi.
