«Челси» бош мураббийи Энцо Мареска жамоаси Премьер-лига чемпионлиги учун курашяптими, деган саволга яна бир бор жавоб берди. Ҳозирда «аристократлар» турнир жадвалида «Ливерпуль»дан 7 очко ортда қолиб, иккинчи ўринда бормоқда.
«Мен ҳали ҳам гапимдан қайтганим йўқ. «Арсенал», «Ливерпуль» ва «Манчестер Сити» билан рақобатлашишга тайёр эмасмиз деб ўйлайман. Биз шунчаки гол уришдан кўра кўпроқ иш қилишимиз керак. Апрель ёки май ойларида нима бўлишини ўйламаймиз. Ҳали эрта. Футболда ҳамма нарса тез ўзгариши мумкин», - деди Мареска матбуот анжуманида.
«Челси» якшанба куни «Тоттенхэм»га қарши АПЛ ўйинини ўтказади.
