Matchroom Boxing promouterlik kompaniyasi rahbari Eddi Xirn sobiq jahon chempioni Isroil Madrimov (10-1-1, 7 KO) uchun yana bir jang tayinlangani haqida fikr bildirdi.
"Madrimov Bogachuk bilan jangda jarohat olishi, qo‘liga shikast yetkazishi yoki mag‘lub bo‘lishi ham mumkin. Isroil Turki al ash-SHeyxga: "Iltimos, meni ham kardga qo‘shing", deb qattiq turib olmadi. Janobi oliylarining o‘zi: "Agar g‘alaba qozonsangiz, yana jang qilasizmi?" deb so‘radi va Isroil: "Ha", deb javob berdi.
Bogachuk bilan jangga bir necha kun qoldi. Demak, 21 dekabr kuni ko‘ramiz, ammo Madrimov super yarimo‘rta vazn toifasidagi barcha eng yaxshi raqiblar bilan jang qilishni xohlaydi. Agar u Krouford, Bogachuk va Ortisdan o‘tib olsa, bu juda hayratlanarli seriya bo‘ladi. Bu yigit katta hurmatga loyiq", dedi Xirn.
Eddining so‘zlaridan ma’lum bo‘lishicha, Isroil Madrimov 22 fevral kuni Verjil Ortis bilan jang qilishi uchun 21 dekabr kuni Sergey Bogachukni jarohatsiz tarzda mag‘lub etishi kerak bo‘ladi.
