“Chelsi” futbolchisi Koul Palmer APLda jamoasi safida qatnashgan gollari sonini 50 taga yetkazdi. 22 yoshli futbolchi bu ko‘rsatkichga bor-yo‘g‘i 48 uchrashuvda erishgan.
Opta xabariga ko‘ra, bu ko‘rsatkichga faqat Erling Xoland ("Manchester Siti", 39), Endi Koul ("Nyukasl", 43) va Muhammad Saloh ("Liverpul", 46) APLda bir klubda kamroq o‘yin o‘tkazib, erishgan.
Koul Palmer o‘tgan mavsum boshida "Manchester Siti"dan "Chelsi"ga o‘tgan edi. Angliyalik futbolchining transferi "ko‘klar"ga 47 million yevroga tushdi. Ushbu mavsumda Palmer Premyer-liganing 15 uchrashuvida 11 ta gol va 6 ta golli uzatmani amalga oshirdi.
