“Челси” футболчиси Коул Палмер АПЛда жамоаси сафида қатнашган голлари сонини 50 тага етказди. 22 ёшли футболчи бу кўрсаткичга бор-йўғи 48 учрашувда эришган.
Opta хабарига кўра, бу кўрсаткичга фақат Эрлинг Холанд ("Манчестер Сити", 39), Энди Коул ("Ньюкасл", 43) ва Муҳаммад Салоҳ ("Ливерпуль", 46) АПЛда бир клубда камроқ ўйин ўтказиб, эришган.
Коул Палмер ўтган мавсум бошида "Манчестер Сити"дан "Челси"га ўтган эди. Англиялик футболчининг трансфери "кўклар"га 47 миллион еврога тушди. Ушбу мавсумда Палмер Премьер-лиганинг 15 учрашувида 11 та гол ва 6 та голли узатмани амалга оширди.
