«Реймс»нинг 20 ёшли дарвозабони Юэн Жауэн бир йўла бир нечта клублар эътиборини тортди.
L’Equipe журналисти Бертран Латур хабарига кўра, футболчи аллақачон «Челси»нинг машғулот базасига ташриф буюрган. Бундан ташқари, унинг учун «Ньюкасл» кураш олиб бормоқда, «Реал Мадрид» эса уни Тибо Куртуага ўринбосар сифатида кўрмоқда.
Франциялик дарвозабоннинг трансфери тахминан 25 миллион еврога амалга оширилиши мумкин.
Ўтган мавсумда Жауэн Лига 2 да 34 та ўйин ўтказиб, шундан 15 тасида ўз дарвозаси дахлсизлигини сақлаб қолган.
